రోడ్డు పక్క హోటల్కు అనుకోని అతిథి.. ఆశ్చర్యపోయిన జనాలు
ఈరోజుల్లో ఎమ్మెల్యే అంటే.. చుట్టూ మంది మార్బలం.. ఆర్భాటం అత్యంత కామన్. ఎమ్మెల్యే బయట అడుగుపెట్టాడంటే అనుచరుల హడావుడి మామూలుగా ఉండదు. అలాంటిది ఓ ఎమ్మెల్యే మాత్రం అత్యంత సాదాసీదాగా సామాన్యుడి తరహాలో ఓ హోటల్లో ప్రత్యక్షమయ్యాడు. ఆయనే ఆసిఫాబాద్ ఎమ్మెల్యే ఆత్రం సక్కు..మంగళవారం ఏదో పని నిమిత్తం మంచిర్యాల మీదుగా వెళ్తుండగా.. అప్పటికే భోజన సమయం కావడంతో బెల్లంపల్లి చౌరస్తాలో కారును ఆపారు. సమీపంలోని ఓ హోటల్లోకి వెళ్లి సాధారణ వ్యక్తిలా గన్మెన్లతో కలిసి భోజనం చేశారు. ఎమ్మెల్యే హోటల్లో కనిపించడంతో ఆయన్ను గుర్తుపట్టినవారు ఆశ్చర్యపోయారు. తెలియనివారు ఆయన ఎమ్మెల్యే అని తెలుసుకుని అవాక్కయ్యారు.