టిక్టాక్ వీడియోల సరదా కోసం కొంత మంది ప్రాణాల మీదకు తెచ్చుకుంటుంటే మరికొందరు వివాదాల్లో చిక్కుకుంటున్నారు.
పోలీస్ స్టేషన్ లోపల వీడియో తీసి టిక్టాక్లో పోస్ట్ చేసిన నలుగురిని అరెస్టు చేశారు పోలీసులు. గుజరాత్లోని బనాస్కాంఠా జిల్లాలో ఈ ఘటన జరిగింది.
టిక్టాక్ వీడియోల సరదా కోసం కొంత మంది ప్రాణాల మీదకు తెచ్చుకుంటుంటే మరికొందరు వివాదాల్లో చిక్కుకుంటున్నారు. పోలీస్ స్టేషన్లో వీడియో తీసి దానిని టిక్టాక్లో అప్లోడ్ చేశారు గుజరాత్కు చెందిన వ్యక్తులు. అదికాస్తా వైరల్ అయి పోలీసుల కంటపడింది. వెంటనే కేసు నమోదు చేసి నలుగురిని అరెస్టు చేశారు.
ఇదీ జరిగింది...
ఓ కేసు విచారణలో భాగంగా ఐదుగురిని అగథల్ స్టేషన్కు పిలిపించారు పోలీసులు. ఐదుగురిలో ఒకరిని విచారిస్తుండగా మిగిలిన నలుగురు పక్క గదిలో ఉండి వీడియో రికార్డు చేశారు. విచారణ ముగిశాక వారు వెళ్లిపోయారు. ఆ తర్వాత వీడియోను టిక్టాక్ యాప్లో అప్లోడ్ చేశారు.
ఆ వీడియోకు సంబంధించిన లింక్ వాట్సాప్ ద్వారా పోలీసు అధికారికి అందింది.
"మాకు వాట్సాప్లో టిక్టాక్ వీడియో రికార్డు చేసిన లింక్ వచ్చింది. ఈ చర్యకు పాల్పడినందుకు వారిపై ఐపీసీ సెక్షన్ 505 ప్రకారం, ఐటీ చట్టం ప్రకారం కేసు నమోదు చేసి అరెస్టు చేశాము."
-ఎస్ఎస్ రాణే, సబ్ ఇన్స్పెక్టర్ ఆఫ్ పోలీస్
Comments
Post a Comment