జర్నలిస్టుల పిల్లలకు 100% పూర్తి రాయితి
*విద్యాశాఖాధికారిని ఆదేశించిన కలెక్టర్*
- కలెక్టర్కు కృతజ్ఞతలు తెలిపిన ఏపీజేఎఫ్
గుంటూరు : ఏపీజేఎఫ్ గుంటూరు జిల్లా కమిటీ అభ్యర్థన మేరకు జిల్లా కలెక్టర్ శామ్యూల్ ఆనంద్ కుమార్ జర్నలిస్టుల పిల్లల చదువులకు కార్పొరేట్ స్కూల్స్లో 100% పూర్తి స్థాయి ఫీజు రాయితీ ఇచ్చే విధంగా చర్యలు తీసుకోవాలని, జిల్లా విద్యాశాఖాధికారిని ఈ మేరకు వెంటనే ఉత్తర్వులు జారీ చేయాలని ఆదేశించారు.
ఇప్పటి వరకు కార్పొరేట్ స్కూల్స్లో 50% రాయితీ మాత్రమే అమలులో ఉంది.
అనంతపురం, కడప జిల్లాల్లో ఆయా కలెక్టర్లు ప్రత్యేక శ్రద్ధ తీసుకొని జర్నలిస్టుల పిల్లలకు 100% పూర్తిస్థాయి రాయితీ ఇచ్చేలా ఉత్తర్వులు జారీ చేయడం జరిగింది.
ఈ విషయాన్ని ఏపీజేఎఫ్ కమిటీ కలెక్టర్ దృష్టికి తీసుకురాగా, గుంటూరు జిల్లాలో కూడా అమలు చేయాలని కోరారు.
వెంటనే స్పందించిన కలెక్టర్ ఈ మేరకు ఉత్తర్వులు జారీ చేయాలని జిల్లా విద్యాశాఖాధికారిని ఆదేశించారు.
అంతేకాకుండా ఈ ఉత్తర్వులు ఖచ్చితంగా అమలు అయ్యేలా చర్యలు తీసుకోవాలని డిఇఓకు సూచించారు.
కలెక్టర్ చర్యలకు జర్నలిస్టులు హర్షం వ్యక్తం చేస్తూ కృతజ్ఞతలు తెలియజేశారు.
Comments
Post a Comment