మంచినీటి కుళాయివద్ద జరిగిన ఘర్షణలో ఓ మహిళ మృతి
శ్రీకాకుళం జిల్లా
సోంపేట మండలంలోని స్థానిక పల్లివీధిలో మంచినీటి కుళాయివద్ద జరిగిన ఘర్షణలో ఓ మహిళ మృతి చెందారు. ఈ ఘటన సోమవారం ఉదయం చోటుచేసుకుంది. స్థానికులు, పోలీసులు తెలిపిన వివరాల ప్రకారం.. తాటిపూడి పద్మ(38) మంచినీటిని పట్టుకునేందుకు కుళాయివద్ద క్యూలో నిల్చున్నారు. ఈ నేపథ్యంలో మహిళలు వరుస తప్పడంతో వారి మధ్య ఘర్షణ చోటుచేసుకుంది. ఈ తగాదాలో మహిళలు బిందెలతో ఒకరిపై ఒకరు దాడి చేసుకున్నారు. దీంతో పద్మ గుండె, తల భాగంలో తీవ్రగాయాలై అక్కడికక్కడే మృతి చెందారు. సమాచారమందుకున్న సోంపేట ఎస్సై కె.వెంకటేశ్ సంఘటనాస్థలానికి చేరుకొని కేసు నమోదు చేసి దర్యాప్తు చేస్తున్నారు.
Comments
Post a Comment