ఈనెల 13 నుండి ఎ పి పి ఎస్ సి డిపార్ట్మెంట్ టెస్ట్ లు

సబ్ కలెక్టర్

తిరుపతి, జూన్ 12 : ఈ నెల 13 నుండి 18 వరకు జిల్లాలో   ఆంధ్రప్రదేశ్ పబ్లిక్ సర్వీస్ కమిషన్ డిపార్ట్మెంట్ టెస్టులు జరగనున్నట్లు తిరుపతి సబ్ కలెక్టర్ డా.మహేష్ కుమార్ ఒక ప్రకటనలో తెలిపారు

. జిల్లాలో 5 పరీక్షా కేంద్రాలో రెండు సెషన్స్ గా ఉదయం 10.00 గంటల నుండి మద్యాహ్నం 12.00 గంటల వరకు, మద్యాహ్నం 3.00 గంటల నుండి సా 6.00 గంటల వరకు  నిర్వహిస్తున్నట్లు తెలిపారు.

ఈనెల 13 ,14 ,15 ,17,18 తేదీలలో 5 రోజులు ఇయాన్ డిజిటల్ జూపార్క్ , తిరుపతి కేంద్రంగా , ఈ నెల 16 న సిద్దార్థ ఇన్సిట్యూట్ ఆఫ్ టెక్నాలజీ కళాశాల, పుత్తూరు, శ్రీనివాస ఇన్సిట్యూట్ ఆఫ్ టెక్నాలజీ అండ్ సైన్స్  కళాశాల , మురకం బట్టు బైపాస్ , చిత్తూరు , వేము ఇన్సిట్యూట్ ఆఫ్ టెక్నాలజీ ఇంజనీరింగ్ కళాశాల , పి.కొత్తకోట , అన్నమాచార్య ఇన్సిటిట్యూట్ ఆఫ్ టెక్నాలజీ , కరకంబాడి రోడ్ ,తిరుపతి ఒక్కరోజు ఈ కేంద్రాలలో పరీక్షలు నిర్వహణ వుంటుందని వివరించారు.

అభ్యర్థులకు బయోమెట్రిక్ హాజరు వున్నందున ఉదయం సెషన్స్ కు  ఉదయం 8.30 నుండి 9.30 వరకు  , మద్యాహ్నం సెషన్స్ కు మ.1.30 నుండి 2.30 గంటల లోపు మాత్రమే కేంద్రాలలోకి అనుమతిస్తారని, పరీక్షాకేంద్రాలలోకి మొబైల్స్, ఎలక్ట్రానిక్ డివైజెస్ అనుమతి ఉండదని తెలిపారు.

అలాగే ఇన్విజిలెటర్స్ కూడా మొబైల్స్, ఎలక్ట్రానిక్ డివైజెస్ తీసుకుని వెళ్లరాదని సబ్ కలెక్టర్ ఆ ప్రకటనలో తెలియజేశారు.

ఏపీపీఎస్సీ అసిస్టెంట్ సెక్రటరీ ఎ వి ఎస్ మూర్తి , సెక్షన్ ఆఫీసర్ టిఎస్ రాజగోపాల్ , తహసీల్దార్లు , డిప్యూటీ తహసీల్దార్లు లైజన్ అధికారులుగా వ్యవహరించనున్నారని వివరించారు.