ఇట్లు పూరీ జగన్నాథ్ ఛార్మి కౌర్.. నువ్వుంటే నా జ‌త‌గా..

ఒక‌ప్పుడు ఇట్లు శ్రావ‌ణి సుబ్ర‌మ‌ణ్యం అంటూ పూరీ జ‌గ‌న్నాథ్ ఓ సినిమా చేసాడు. ర‌వితేజ హీరోగా వ‌చ్చిన ఈ చిత్రం సంచ‌ల‌న విజ‌యం సాధించింది. ఇప్పుడు ఈయ‌న జీవితంలో కూడా ఇలాంటి క‌థే జ‌రుగుతుంది. అయితే ఇక్క‌డ టైటిల్ కాస్త వేరుగా ఉందంతే. ఇట్లు పూరీ జ‌గ‌న్నాథ్ ఛార్మి కౌర్ అని మారిపోయింది. అవును.. ఇప్పుడు ఇండ‌స్ట్రీలో ఈ ఇద్ద‌రి మ‌ధ్య ఉన్న రిలేష‌న్ షిప్ ఏంటో తెలియ‌క జుట్టు పీక్కుంటున్నారు జ‌నం. అస‌లు పూరీకి ఛార్మి ఏమ‌వుతుంది.. ఫ్రెండా.. ఎంప్లాయా లేదంటే ఇంకేమైనా స్పెష‌ల్ బంధ‌మా అంటూ ఆరాలు తీస్తున్నారు.

దీనిపై ఈ ఇద్ద‌రూ మాత్రం ఏం మాట్లాడ‌కుండా హాయిగా త‌మ ప‌ని తాము చేసుకుంటున్నారు. ఈ ఇద్ద‌రూ క‌లిసి జ్యోతిల‌క్ష్మి సినిమా చేసారు. ఆ సినిమా త‌ర్వాత చిత్రంగా ఇద్ద‌రూ అతుక్కుపోయారు. అంటే ఇద్ద‌రూ ఒకే ద‌గ్గ‌రే సెటిల్ అయిపోయారు. పూరీ ఆఫీస్‌లోనే ఆయ‌న‌తో పాటే.. అత‌డితో స‌మానంగా అన్ని వ్య‌వ‌హారాల్లో త‌ల దూర్చేంత ఫ్రీడ‌మ్ ఛార్మికి వ‌చ్చేసింది. ఆయన కంపెనీలోనే అసిస్టెంట్ ప్రొడ్యూస‌ర్ స్థాయికి ఎదిగిపోయింది. ఇప్పుడు పూరీతో స‌మానంగా నిర్మాత పేరు యాడ్ చేసుకునే స్థాయికి ఛార్మి ఇమేజ్ పెరిగిపోయింది.

ఇక ఇదిలా ఉంటే పూరీతో ఛార్మి క‌నెక్ట్స్ గురించి ఇండ‌స్ట్రీలో ఆస‌క్తిక‌ర‌మైన చ‌ర్చ జ‌రుగుతుంది. ఈ ఇద్ద‌రూ నిజంగానే బాగా క‌నెక్ట్ అయిపోయార‌ని.. ఇప్పుడు పూరీ పూర్తిగా ఛార్మి చేతుల్లో ఉన్నాడ‌నే వార్త‌లు వినిపిస్తున్నాయి. అయితే ఇవ‌న్నీ ప‌ట్టించుకోకుండా త‌న ప‌ని తాను చేసుకుంటున్నాడు పూరీ. ఇక ఛార్మి కూడా పూర్తిగా పూరి సినిమాల‌తో ఇన్వాల్వ్ అయిపోయింది. ఆయ‌న ద‌ర్శ‌కుడు అయితే ఈమె అన్నీ తానే అయి చూసుకుంటుంది.