అమెరికా దేశంలోని మన్‌హట్టన్ నగరంలోని ఓ ఎతైన భవనంపై కూలిన హెలికాప్టరు

న్యూయార్క్ :

అమెరికా దేశంలోని మన్‌హట్టన్ నగరంలోని ఓ ఎతైన భవనంపై హెలికాప్టరు కూలిన ఘటనలో పైలెట్ మృతి చెందారు. 

మన్‌హట్టన్ నగరానికి చెందిన పైలెట్ టిమ్ మక్ కార్మాక్ అనే పైలెట్ 34వ హెలీపోర్ట్ నుంచి అగస్టా ఎ 109ఈ హెలికాప్టరులో బయలు దేరారు.

హెలికాప్టరులో బయలుదేరిన 11 నిమిషాలకే సౌత్ ఎవెన్యూలోని 787 ప్రాంతంలో ఉన్న 54 అంతస్థుల భవనంపై హెలికాప్టరు కూలిపోయింది.

ఈ ఘటనలో పైలెట్ అక్కడి కక్కడే మరణించాడని న్యూయార్క్ గవర్నర్ అండ్రూ క్యూమో, మేయర్ బిల్ దీ బ్లాసియోలు చెప్పారు.

హెలికాప్టరు కూలిపోగానే భవనం కంపించిందని, ఈ ఘటనలో భవనంలో ఉన్నవారెవరూ గాయపడలేదని మేయరు చెప్పారు.

ఈ ప్రమాదం జరిగిన వెంటనే న్యూయార్క్ అగ్నిప్రమాద శాఖ అధికారులు సంఘటన స్థలానికి చేరుకొని మంటలను ఆర్పారు.

హెలికాప్టరు కూలిన ఘటన వెనుక ఉగ్రవాదుల హస్తం లేదని, వాతావరణం అనుకూలించక జరిగిన ప్రమాదమని పోలీసులు చెప్పారు. కూలిన హెలికాప్టరు కాలిపోయి బూడిదగా మారింది.