నీట్​లో అర్హత పొందిన విద్యార్థులు..

అమరావతి

నీట్​లో అర్హత పొందిన విద్యార్థులు.. వైద్య విద్యకు దరఖాస్తు చేసుకునే తేదీలను వర్సిటీ అధికారులు ప్రకటించారు.

ఈ నెల 22 నుంచి 28 వతేదీ వరకు ఆన్​లైన్​లో దరఖాస్తు చేసుకోవచ్చని ఎన్టీఆర్ హెల్త్ యూనివర్సిటీ రిజిస్టార్ అప్పలనాయుడు తెలిపారు.

నీట్​లో రాష్ట్రానికి సంబంధించి.. 40 వేల 381 విద్యార్థులు అర్హత పొందారు.

వైద్య విద్య అడ్మిషన్ల కోసం దరఖాస్తు చేసిన విద్యార్థులు.. జులై ఒకటో తేదీన ధ్రువపత్రాల పరిశీలనకు హాజరుకావాలని అధికారులు తెలిపారు. ఆ తర్వాత విద్యార్థులు వెబ్ ఆప్షన్స్ పెట్టుకోవచ్చు.

ఏ కాలేజీలో సీటు వచ్చిందో విద్యార్థుల సెల్​ఫోన్​కు నేరుగా సందేశం వెళ్తుంది.

ఈ ప్రక్రియ అంతా జులై నెలాఖరుకు పూర్తిచేస్తామని అధికారులు చెబుతున్నారు.

ఆగష్టు ఒకటో తేదీ నుంచి వైద్య విద్యార్థులకు తరగతులు మొదలవుతాయని రిజిస్ట్రార్ తెలిపారు.

ఈడబ్ల్యూఎస్ కోటా సీట్లు కౌన్సెలింగ్​లో అమలుచేస్తామని వెల్లడించారు.