పశ్చిమ గోదావరి జిల్లాలో విషాదం

ప.గో: జిల్లాలోని కొణితివాడలో విషాదం చోటు చేసుకుంది. నిన్న అదృశ్యమైన బాలుడు నేడు చెరువులో శవమై తేలాడు.

వివరాల్లోకి వెళ్లితే.. వీరవాసరం మండలం కొణితివాడలో మోక్షగౌతం అనే బాలుడు నిన్న అదృశ్యమయ్యాడు.

దీంతో బాలుడి ఆచూకీ కోసం తల్లిదండ్రులు తీవ్రంగా గాలించారు. ఎంతకు బాలుడి ఆచూకీ దొరకకపోవడంతో వారు పోలీసులకు ఫిర్యాదు చేశారు.

నేడు ఉదయం స్థానిక చెరువులో బాలుడి మృతదేహాన్ని గ్రామస్తులు గుర్తించారు.

విషయం తెలుసుకున్న పోలీసులు చెరువు దగ్గరకు చేరుకుని పరిశీలించారు. అనంతరం కేసు నమోదు చేసి దర్యాప్తు ప్రారంభించారు.