బోరుబావిలో పడిన రెండేళ్ల చిన్నారి

పంజాబ్

ఈ నెల 6న పంజాబ్​లోని సంగ్రూర్ జిల్లా భగవాన్​పురలో ప్రమాదవశాత్తు బోరుబావిలో పడిన రెండేళ్ల చిన్నారి ఫతేవీర్​ను రక్షించేందుకు సహాయక చర్యలు కొనసాగుతున్నాయి.

ఫతేవీర్ పడిపోయిన బోరుబావి 150 అడుగుల లోతుగా ఉంది. పడిపోయి 92 గంటలు పైగానే గడిచింది. ఈ రోజు ఫతేవీర్​ పుట్టిన రోజు.

బాలుడు సురక్షితంగా బయటకు రావాలని స్థానికులు ఆకాంక్షిస్తున్నారు. ఘటనా స్థలానికి పీజీఐ ఆస్పత్రి నుంచి వైద్యబృందం సంగ్రూర్​లోని ఘటనా స్థలానికి చేరుకుంది.

ఫతేవీర్​ను రక్షించేందుకు జాతీయ విపత్తు నిర్వహణ దళం, పటియాల సాయుధ ఇంజినీర్ల రక్షణ దళాలు సంయుక్త ఆపరేషన్​ను చేపడుతున్నాయి.

సహాయక చర్యల్లో స్థానికులూ సహకారాన్నందిస్తున్నారు.

ఘటనా స్థలానికి సమీపంలోని సునామ్-మాన్సా రహదారిపై పెద్దసంఖ్యలో ప్రజలు గుమిగూడారు.

భగవాన్​పురలోని తమ ఇంటిలో ఆడుకుంటున్న రెండేళ్ల ఫతేవీర్ పక్కనే ఉన్న బోర్​వెల్​లో పడిపోయాడు.

ఇప్పటివరకూ ఎలాంటి ఆహారం పిల్లాడికి అందలేదని అధికారులు వెల్లడించారు. ఆక్సిజన్ మాత్రమే పంపించామని స్పష్టం చేశారు. 

ఐదు రోజులైనా బాలుడు బయటకు రాకపోవడం వల్ల స్థానికులు ప్రభుత్వంపై ఆగ్రహం వ్యక్తం చేస్తున్నారు.